పయనించే సూర్యుడు, జనవరి 8, బచ్చన్నపేట మండల ప్రతినిధి: నీల పవన్. బిఆర్ఎస్ పార్టీ ఎమ్మెల్యే కేటీఆర్ అహంకారపూరిత మాటలు తగ్గించుకోవాలని కాంగ్రెస్ పార్టీ బచ్చన్నపేట మండల సీనియర్ నాయకుడు జంగిటి విద్యనాథ్ అన్నారు. మంగళవారం జిల్లా కేంద్రం జనగామలో జరిగిన కార్యక్రమంలో కేటీఆర్ చేసిన వ్యాఖ్యలు ఖండిస్తున్నామని అన్నారు. పదేళ్లు అధికారంలో ఉండి జనగామ ప్రాంతాన్ని అభివృద్ధి చేయలేకపోయారని, ఏనాడు ప్రజలకు అందుబాటులో ఉండి సంక్షేమ పథకాలు అందించలేకపోయారని అన్నారు. కాంగ్రెస్ ప్రభుత్వం అధికారంలోకి వచ్చి పేద ప్రజలకు అనేక సంక్షేమ పథకాలు అందించిందని తెలియజేశారు. మా ముఖ్యమంత్రి రేవంత్ రెడ్డి గ్రామస్థాయి నుండి నేడు ముఖ్యమంత్రి స్థాయి వరకు ఎదిగిన నాయకుడని అన్నారు. చెట్టు పేరు చెప్పుకొని కాయలు అమ్ముకునే మీరు ఏనాడు తెలంగాణ పోరాటంలో పాల్గొని మీరు నంబర్ టు స్థాయికి ఎలా వచ్చారో అందరికీ తెలుసు అని రాహుల్ గాంధీ, సీఎం రేవంత్ రెడ్డి ల పైన అనుచిత వ్యాఖ్యలు చేస్తే సహించబోమని ఖబర్దార్ కేటీఆర్ అని హెచ్చరించారు. వెంటనే బహిరంగ క్షమాపణ చెప్పాలని అన్నారు. మీ అహంకారం, పొగరు మాటలకే ప్రజలు బుద్ధి చెప్పారని బిఆర్ఎస్ పార్టీ భూ స్థాపితం కావడం ఖాయమని హెచ్చరించారు.
