పులగుర్త అభివృద్ధిపై ఎమ్మెల్యే నల్లమిల్లి ప్రత్యేక దృష్టి.

పయనించే సూర్యుడు న్యూస్ మార్చ్ 22 అనపర్తి నియోజకవర్గం ఇంచార్జ్ సురేష్ అనపర్తి నియోజకవర్గంలోని పులగుర్త గ్రామాన్ని మోడల్ గ్రామంగా తీర్చిదిద్దడమే లక్ష్యంగా ఎమ్మెల్యే నల్లమిల్లి రామకృష్ణారెడ్డి అభివృద్ధి పనులకు శ్రీకారం చుట్టారు. గ్రామంలో మౌలిక సదుపాయాల కల్పనలో భాగంగా భారీగా నిధులు మంజూరు చేసి, పనులను వేగవంతం చేశారు. సిసి రోడ్ల నిర్మాణం: గ్రామ పరిధిలో రవాణా సౌకర్యాలను మెరుగుపరిచేందుకు రెండు విడతల్లో సిసి (CC) రోడ్ల నిర్మాణాన్ని చేపట్టారు. మొదటి విడత: రూ. 26 లక్షల నిధులతో 8 సిసి రోడ్ల నిర్మాణాన్ని పూర్తి చేశారు. రెండో విడత: రూ. 20 లక్షల వ్యయంతో మరో 5 సిసి రోడ్ల నిర్మాణ పనులను ప్రారంభించారు. దీంతో పులగుర్త గ్రామం ఇప్పుడు సిమెంటు రోడ్ల గ్రామంగా మారుతోంది. రైతులకు ఊరట – గోకులం షెడ్లు: పాడి రైతుల సౌకర్యార్థం గ్రామంలో 4 గోకులం షెడ్లను ఎమ్మెల్యే మంజూరు చేశారు. వీటిలో ఇప్పటికే రెండు షెడ్ల నిర్మాణం పూర్తి కాగా, మిగిలిన రెండింటిని త్వరగా అందుబాటులోకి తీసుకురావాలని అధికారులను ఆదేశించారు. అభివృద్ధి పథంలో గ్రామం: పులగుర్త గ్రామాన్ని అన్ని విధాలా అభివృద్ధి చేయడమే తన ధ్యేయమని ఎమ్మెల్యే రామకృష్ణారెడ్డి స్పష్టం చేశారు. స్థానిక ప్రజల అవసరాల మేరకు నిధులు కేటాయిస్తూ, పనుల నాణ్యతను నిరంతరం పర్యవేక్షిస్తున్నారు. అభివృద్ధి పనుల పట్ల గ్రామస్థులు హర్షం వ్యక్తం చేస్తున్నారు.