పయనించే సూర్యుడు, మార్చి 27, బచ్చన్నపేట మండల ప్రతినిధి: నీల పవన్. బచ్చన్నపేట మండలం కొడవటూరు గ్రామంలోని శ్రీ సిద్దేశ్వర స్వామి గుట్ట జనసంద్రంతో భక్తి సాగరమైంది. స్వామి వారి ఆశీస్సుల కోసం భక్తులు భారీగా తరలివచ్చి, అత్యంత భక్తిశ్రద్ధలతో నిర్వహించిన గిరి ప్రదక్షిణలో పాల్గొన్నారు. భక్తి పారవశ్యంలో భక్తజనం సుమారు 5 కిలోమీటర్ల మేర గుట్ట చుట్టూ కాలినడకన సాగిన ఈ గిరి ప్రదక్షిణలో భక్తులు భక్తి పారవశ్యంతో మునిగిపోయారు. “ఓం నమశ్శివాయ” నామస్మరణతో గుట్ట ప్రాంతమంతా మారుమోగింది. చిన్నపిల్లల నుంచి వృద్ధుల వరకు కుటుంబ సమేతంగా తరలివచ్చి, ప్రతి అడుగులోనూ స్వామిని స్మరిస్తూ ఈ పుణ్య యాత్రను పూర్తి చేశారు.సమర్థవంతమైన ఏర్పాట్లు ఈ ఆధ్యాత్మిక కార్యక్రమం విజయవంతం కావడానికి ఆలయ అధికారులు విశేష కృషి చేశారు. భక్తులకు ఎటువంటి ఇబ్బందులు కలగకుండా తాగునీరు, ఇతర మౌలిక సదుపాయాలను కల్పించడంలో ఆలయ ఈవో చిదం వంశీ మరియు బృందం సమర్థవంతంగా వ్యవహరించారు. స్థానికుల సహకారం కూడా ఈ కార్యక్రమ నిర్వహణకు ఎంతో దోహదపడింది. ఆధ్యాత్మిక భావన పెంపు ఇలాంటి కార్యక్రమాలు గ్రామంలో ఆధ్యాత్మికతను, ఐక్యతను పెంపొందిస్తాయని భక్తులు ఆనందం వ్యక్తం చేశారు. భవిష్యత్తులో ఈ గిరి ప్రదక్షిణను మరింత ఘనంగా నిర్వహించాలని నిర్వాహకులు ఆకాంక్షించారు. కార్యక్రమంలో ప్రధాన అర్చకులు ఓం నమశివాయ, ఈవో చిదం వంశీ, లక్ష్మీకాంత్, నూకల బాల్ రెడ్డి, నీల మురళి, నీల శ్రీనివాస్, గంగం బుచ్చిరెడ్డి, నిమ్మ కరుణాకర్ రెడ్డి, గంగిశెట్టి శ్రీనివాస్, శ్రీనివాస్ తదితరులు పాల్గొన్నారు.
