పయనించే సూర్యుడు న్యూస్, పెద్దపల్లి, సెంటినరీ కాలనీ -28 రామగిరి మండలం, పన్నూర్ గ్రామ పంచాయతీ పరిధిలోని సెంటేనరి కాలనీ టౌన్, మరియు వకీల్ పల్లె ఫ్లాట్ లోని శ్రీ కోదండ రామాలయం, శిరిడి సాయిబాబా మందిరం ప్రాంగణం అభయాంజనేయ స్వామి దేవాలయాలలో కళ్యాణ వేడుకలు అత్యంత వైభవంగా జరిగాయి. ఈ సందర్భంగా టిపిసిసి ప్రధాన కార్యదర్శి దుద్దిల్ల శ్రీను బాబు , తొట్ల తిరుపతి యాదవ్, పన్నూర్ గ్రామ సర్పంచ్ చిందం మహేష్ తో కలిసి స్వామి వారి పల్లకి సేవలో పాల్గొని, ప్రత్యేక పూజలు నిర్వహించి శ్రీ సీతారాముల వారి ఆశీస్సులు పొందారు.అనంతరం భక్తులతో కలిసి పూజా కార్యక్రమాల్లో పాల్గొన్నారు.ఆలయ కమిటీ సభ్యులు, ఆలయ అర్చకులు. తీర్థప్రసాదాలు అందజేసి, శాలువాతో సత్కరించారు. ఈ సందర్భంగా ఆయన మాట్లాడుతూ…రాష్ట్ర ప్రజలందరూ సుఖశాంతులతో, అష్టైశ్వర్యాలతో, పాడి పంటలతో అభివృద్ధి చెందాలని ఆకాంక్షించారు.ఈ కార్యక్రమంలో ఆలయ కమిటీ చైర్మన్, ఆలయ కమిటీ సభ్యులు, కాంగ్రెస్ పార్టీ నాయకులు,ప్రజాప్రతినిధులు, మాజీ ప్రజాప్రతినిధులు యూత్ నాయకులు, మహిళలు, ప్రజలు తదితరులు పాల్గొన్నారు.
