దౌల్తాబాద్‌కు తాగునీటి వరం సర్పంచ్ అనురాధ రమేష్ కీలక చర్యలు

పయనించే సూర్యుడు ఏప్రిల్ 8 రాజేష్ దౌల్తాబాద్) దౌల్తాబాద్ గ్రామానికి శుభవార్త అందింది. గ్రామంలో చాలాకాలంగా ఉన్న తాగునీటి సమస్యను పరిష్కరించేందుకు సర్పంచ్ అనురాధ రమేష్ చొరవ తీసుకుని కీలక చర్యలు చేపట్టారు. గ్రామంలోని పలు కాలనీల్లో దెబ్బతిన్న పైప్‌లైన్లను మరమ్మతు చేయించడంతో పాటు, అవసరమైన ప్రాంతాల్లో కొత్త పైప్‌లైన్లను ఏర్పాటు చేయించారు. ఈ చర్యలతో ఇప్పటివరకు నీటి కొరతతో ఇబ్బందులు పడుతున్న ప్రాంతాల్లో తాగునీటి సరఫరా గణనీయంగా మెరుగుపడింది. స్థానికులు ఈ మార్పుపై ఆనందం వ్యక్తం చేస్తూ, తమ సమస్యలను త్వరగా గుర్తించి పరిష్కరించిన సర్పంచ్‌కు కృతజ్ఞతలు తెలిపారు. గ్రామ ప్రజల అవసరాలను అర్థం చేసుకుని స్పందించిన నాయకత్వం పట్ల వారు అభినందనలు తెలిపారు. సర్పంచ్ అనురాధ రమేష్ మాట్లాడుతూ, గ్రామంలోని ప్రతి కాలనీకి సమృద్ధిగా తాగునీరు అందించడమే లక్ష్యమని, ఇంకా మిగిలిన ప్రాంతాల్లో అవసరమైన పనులను త్వరలో పూర్తి చేస్తామని చెప్పారు. ఈ కార్యక్రమంలో వార్డు సభ్యులు, గ్రామస్తులు పాల్గొని, గ్రామాభివృద్ధికి కలిసి పనిచేయాలనే సంకల్పాన్ని వ్యక్తం చేశారు.