​మట్టిలో మాణిక్యం.. రత్నవరం ఆణిముత్యం ‘లావణ్య’​ఇంటర్ ఫలితాల్లో 989 మార్కులతో సత్తా చాటిన రైతు బిడ్డ​గ్రామస్తుల ఆధ్వర్యంలో లావణ్యకు ఘన సన్మానం

పయనించే సూర్యడు ఏప్రిల్ 16 సూర్యాపేట జిల్లా నడిగూడెం ప్రతినిధి పొలంపల్లి వెంకటేశ్వర్లు నడిగూడెం మండలం ​రత్నవరం కఠోర శ్రమ, పట్టుదల ఉంటే పేదరికం చదువుకు అడ్డుకాదని రత్నవరం గ్రామానికి చెందిన కూరాకుల లావణ్య నిరూపించింది. సామాన్య రైతు కుటుంబంలో జన్మించినా, ఆకాశమే హద్దుగా రాణిస్తూ ఇంటర్మీడియట్ ఫలితాల్లో అద్భుత ప్రతిభ కనబరిచింది. కూరాకుల శ్రీరాములు - రమణమ్మల కుమార్తె అయిన లావణ్య, ఇంటర్ ద్వితీయ సంవత్సరంలో 989 మార్కులు సాధించి, కళాశాల స్థాయిలో ద్వితీయ స్థానంలో నిలవడమే కాకుండా, తన గ్రామానికి రాష్ట్రస్థాయిలో గుర్తింపు తీసుకువచ్చింది. ​గ్రామంలో సంబరాలు - ఘనంగా సన్మానం: లావణ్య సాధించిన ఈ అసాధారణ విజయంపై రత్నవరం గ్రామస్తులు హర్షం వ్యక్తం చేశారు. బుధవారం గ్రామంలో ఏర్పాటు చేసిన ప్రత్యేక కార్యక్రమంలో గ్రామ పెద్దలు లావణ్యను శాలువాతో కప్పి, పూలమాలలతో ఘనంగా సన్మానించారు. ఈ సందర్భంగా గ్రామ పెద్దలు మాట్లాడుతూ.. మారుమూల గ్రామంలో, సాధారణ వసతుల మధ్య చదువుకుని ఇంతటి గొప్ప మార్కులు సాధించడం అభినందనీయమని కొనియాడారు. "మట్టిలో మాణిక్యంలా ఎదిగిన లావణ్య, భవిష్యత్తులో మరిన్ని ఉన్నత శిఖరాలను అధిరోహించి, ఉన్నత ఉద్యోగం సాధించి గ్రామానికి, తల్లిదండ్రులకు మరింత పేరు తీసుకురావాలి" అని వారు ఆకాంక్షించారు. ​లావణ్యకు శుభాకాంక్షల వెల్లువ: ఈ సన్మాన కార్యక్రమంలో లావణ్య తల్లిదండ్రులతో పాటు గ్రామ ప్రముఖులు పసుపులేటి వినయ వర్ధన్, పోలంపల్లి వెంకటేశ్వర్లు, కాసాని శ్రీనివాసరావు, బెల్లంకొండ వెంకటేశ్వర్లు, కూరాకుల కృష్ణమూర్తి, ఎరగాని లింగయ్య పాల్గొన్నారు. అలాగే వార్డు సభ్యులు కూరాకుల వెంకటేశ్వర్లు, కూరాకుల వెంకమ్మ కృష్ణమూర్తి, రాజుల రమాదేవి, కూరాకుల దేవదాసు మరియు గ్రామ యువకులు, మహిళలు పెద్ద సంఖ్యలో పాల్గొని లావణ్యకు శుభాకాంక్షలు తెలియజేశారు. తన విజయంలో సహకరించిన తల్లిదండ్రులకు, గురువులకు లావణ్య ఈ సందర్భంగా కృతజ్ఞతలు తెలిపింది.