పయనించే సూర్యడు మార్చి 11 సూర్యాపేట జిల్లా నడిగూడెం ప్రతినిధి పొలంపల్లి వెంకటేశ్వర్లు నడిగూడెం మండలం కరివిరాల మోడల్ స్కూల్ పదవ తరగతి విద్యార్థులు క్రమశిక్షణతో చదివి వార్షిక పరీక్షల్లో ఉత్తమ ఫలితాలు సాధించి పాఠశాలకు, మండలానికి మంచి పేరు తీసుకురావాలని నడిగూడెం మండల విద్యాధికారి (ఎంఈఓ) శ్రీ వనం సత్యనారాయణ పిలుపునిచ్చారు. బుధవారం మండల పరిధిలోని కరివిరాల తెలంగాణ మోడల్ స్కూల్ను ఆయన సందర్శించారు. ఈ సందర్భంగా పదవ తరగతి విద్యార్థులతో ఏర్పాటు చేసిన ముఖా-ముఖి (ఇంటరాక్షన్) కార్యక్రమంలో ఆయన పాల్గొని ప్రసంగించారు. విద్యార్థులకు దిశా నిర్దేశం పరీక్షల సమయంలో ఒత్తిడికి లోనుకాకుండా, ప్రణాళికాబద్ధంగా చదువుకోవాలని ఆయన విద్యార్థులకు సూచించారు. ప్రతి నిమిషం విలువైనదని, సందేహాలు ఉంటే వెంటనే ఉపాధ్యాయులను అడిగి నివృత్తి చేసుకోవాలని తెలిపారు. అనంతరం విద్యార్థులకు పరీక్షల రాసేందుకు అవసరమైన ఎగ్జామ్ కిట్లను ఆయన చేతుల మీదుగా అందజేశారు. ఎంఈఓకు ఘన సత్కారం విద్యా వ్యవస్థ బలోపేతానికి నిరంతరం కృషి చేస్తున్న ఎంఈఓ వనం సత్యనారాయణను పాఠశాల ప్రిన్సిపాల్ సాయి ఈశ్వరి మరియు అధ్యాపక బృందం ఘనంగా సత్కరించారు. శాలువాతో కప్పి, పూలమాలలు వేసి కృతజ్ఞతలు తెలియజేశారు. ఈ కార్యక్రమంలో పాఠశాల ప్రిన్సిపాల్ సాయి ఈశ్వరితో పాటు, వివిధ సబ్జెక్టుల అధ్యాపకులు, పాఠశాల సిబ్బంది మరియు విద్యార్థులు అధిక సంఖ్యలో పాల్గొన్నారు.
