పయనించే సూర్యుడు న్యూస్ మార్చి 31 రిపోర్టర్ అభి పెద్దకడబూరు మండలం కమ్మలదిన్నె గ్రామంలో ప్రధాన్ మంత్రి ఆవాస్ యోజన కింద నిర్మించిన గృహాల ప్రారంభోత్సవం సోమవారం నిర్వహించారు. ఈ కార్యక్రమంలో మంత్రాలయం టీడీపీ ఇంచార్జి ఎన్. రాఘవేంద్ర రెడ్డి, యువ నాయకుడు ఎన్. రాజారెడ్డి పాల్గొని లబ్ధిదారులకు గృహాలను ప్రారంభించి శుభాకాంక్షలు తెలిపారు. వివరాల ప్రకారం, పథకం కింద నిర్మించిన ఇళ్లను లబ్ధిదారులకు అందజే సి తాళాలు అప్పగించారు. ఈ సందర్భంగా నాయకులు మాట్లాడుతూ, కూటమి ప్రభుత్వం ఇచ్చిన హామీ మేరకు తక్కువ కాలంలోనే గృహాల నిర్మాణాన్ని పూర్తి చేసి పేదలకు అందించడం సీఎం చంద్రబాబు నాయుడు నాయకత్వానికి నిదర్శనమని పేర్కొన్నారు. ఈ కార్యక్రమంలో స్థానిక నాయకులు, గ్రామస్థులు పాల్గొన్నారు.
