పయనించే సూర్యుడు మార్చి 27 నాగర్ కర్నూలు జిల్లా బిజినపల్లి రిపోర్టర్ కే శ్రావణ్ కుమార్ బిజినపల్లి మండలంలోని ఉడుగుల కుంట తండా గ్రామపంచాయతీ పరిధిలో సర్పంచ్ బుజ్జి చందులాల్ ఆధ్వర్యంలో పశువులకు గాలికుంటు వ్యాధి నివారణ కోసం టీకా ల కార్యక్రమం నిర్వహించారు. ఈ సందర్భంగా ఆవులు, ఎద్దులు, గేదెలకు మొత్తం 76 టీకాలు వేశారు. ఈ సందర్భంగా సర్పంచ్ బుజ్జి చందులాల్ మాట్లాడుతూ పశుపోషకులు తమ పశువులకు తప్పనిసరిగా గాలికుంటు టీకాలు వేయించి వ్యాధి నుంచి రక్షించుకోవాలని సూచించారు. ఈ కార్యక్రమంలో పశువైద్య డాక్టర్ జీవిత, జ్యోతి, అజముద్దీన్, వెంకటస్వామి, ఎండి అన్వర్, సంబంధిత అధికారులు మరియు రైతులు పాల్గొన్నారు.
