పయనించే సూర్యుడు ఏప్రిల్ 10 రాజేష్ దౌల్తాబాద్) దౌల్తాబాద్ మండలం సూరంపల్లి గ్రామంలో ఐక్యతకు ప్రతీకగా నిలిచే శుభవార్త వెలుగులోకి వచ్చింది. గ్రామంలోని పెద్దమ్మ గుడి నిర్మాణానికి ముదిరాజ్ సంఘం సభ్యులు ఎంతో ఉత్సాహంతో ముందుకు వచ్చి విశేష సహకారం అందిస్తున్నారు. గుడి స్లాబ్ పనుల నిమిత్తం ప్రతి ఇంటి నుంచి రూ.60 వేల చొప్పున విరాళాలు సేకరించడం గ్రామస్థుల ఐక్యతను ప్రతిబింబిస్తోంది. ఇప్పటికే కొబ్బరికాయ కొట్టి శుభారంభం చేసిన ఈ నిర్మాణ పనులు వేగంగా కొనసాగుతున్నాయి. గ్రామ ప్రజలందరూ కులమత భేదాలు లేకుండా కలిసి పని చేస్తూ, గుడి నిర్మాణాన్ని తమ బాధ్యతగా తీసుకోవడం అభినందనీయం. ఈ సందర్భంగా ముదిరాజ్ సంఘం ప్రతినిధులు మాట్లాడుతూ, గ్రామాభివృద్ధి కోసం ఇలాంటి ఐక్య భావం ఎంతో అవసరమని, అందరూ కలిసికట్టుగా ముందుకు సాగాలని పిలుపునిచ్చారు. ఈ కార్యక్రమం గ్రామంలో సానుకూల వాతావరణాన్ని నెలకొల్పడమే కాకుండా, భవిష్యత్తులో మరిన్ని అభివృద్ధి కార్యక్రమాలకు ప్రేరణగా నిలుస్తుందని గ్రామ పెద్దలు ఆశాభావం వ్యక్తం చేస్తున్నారు.
