పయనించే సూర్యుడు న్యూస్ ఏప్రిల్ 20 అనపర్తి నియోజకవర్గం ఇంచార్జ్ సురేష్ ప్రస్తుత ఎమ్మెల్యే అనవసరంగా విషయాలను పక్కదారి పట్టిస్తూ ప్రజలను మభ్యపెట్టే ప్రయత్నం చేస్తున్నారని అనపర్తి మాజీ ఎమ్మెల్యే డాక్టర్ సత్తి సూర్యనారాయణ రెడ్డి తీవ్రంగా విమర్శించారు. అసత్య ప్రచారాలతో నిజాన్ని ఎన్నటికీ దాచలేరని ఆయన ఆదివారం స్పష్టం చేశారు. ఎమ్మెల్యేకు కీలక సూచనలు: ఈ సందర్భంగా మాజీ ఎమ్మెల్యే ప్రస్తుత ఎమ్మెల్యే నల్లమిల్లి రామకృష్ణారెడ్డికి పలు సూచనలు చేశారు: అభివృద్ధిపై దృష్టి: అబద్ధపు మాటలతో కాలాన్ని వృధా చేయకుండా, అనపర్తి ప్రభుత్వ ఆసుపత్రిని మరింత అభివృద్ధి చేయడంపై దృష్టి పెట్టాలని కోరారు. వైద్య సేవల విస్తరణ: సూపర్ స్పెషలిస్ట్ డాక్టర్లను నియమించి ప్రజలకు మరింత మెరుగైన వైద్య సేవలు అందేలా చూడాలని సూచించారు. వాస్తవాల గ్రహింపు: ఎవరి హయాంలో ఎంత అభివృద్ధి జరిగిందో ప్రజలు ఇప్పటికే స్పష్టంగా అర్థం చేసుకున్నారని, నిజాన్ని మసకబార్చే ప్రయత్నాలు ఎప్పటికీ విఫలమవుతాయని ఆయన ఘాటుగా వ్యాఖ్యానించారు. తప్పుడు ప్రచారాలు మానుకుని నియోజకవర్గ అభివృద్ధికి పాటుపడాలని ఈ సందర్భంగా ఆయన ఎమ్మెల్యేకు హితవు పలికారు.
